ट्रम्पले वार्ता बिचमै छोडे : पेलोसीले ‘नो’ भनिन्, ट्रम्प निस्किए

पाैष, २६ । सरकारी बजेटमा मेक्सिकोसँगको सीमामा बनाउने भनिएको सीमा पर्खालका लागि निश्चित रकमको व्यवस्था हुनु पर्ने अडान लिँदै आएका अमेरिकी राष्ट्रपति डोनाल्ड ट्रम्पले यससम्बन्धी वार्ता बिचमै छोडेका छन् ।

ट्रम्पले आफ्नो चुनावी अभियानदेखिको प्रतिबद्धतामा रहेको सीमा पर्खाल निर्माणका लागि संघीय सरकारका कार्यालयहरु सञ्चालनका लागि तय गरिएको बजेटबाट रकमको व्यवस्था गर्नु पर्ने अडान लिँदै आएका छन् ।

यो कुरा डेमोक्र्याटिक पार्टीले अस्वीकार गर्दै आएको छ । यसले गर्दा संघीय सरकारको कार्यसञ्चालनका लागि आवश्यक पर्ने बजेट सम्बन्धी विधेयक पारित हुन नसक्दा १९ दिनदेखि संघीय सरकारका आंशिक कार्यालयहरुको काम ठप्प भएको छ ।

बन्द कार्यालयको काम सुचारु गराउनका लागि बजेटमा सहमति आवश्यक छ र यसका लागि भएको वार्ताबाट राष्ट्रपति ट्रम्प बिचमै उठेका हुन् ।

डेमोक्र्याटिक लिडर तथा हाउस अफ रिप्रिजेन्टेटिभकी सभामुख न्यान्सी पेलोसी र सिनेटमा माइनोरिटी लिडर रहेका डेमोक्र्याटिक पार्टीका नेता चक शुमर बजेटमा सीमा पर्खालका लागि रकमको व्यवस्था नगर्ने अडानमा कायम रहेपछि ट्रम्पले वार्ता बिचमै छोडेका हुन् ।

ट्रम्प संघीय सरकारको कार्यसञ्चालन सम्बन्धी बजेटमा ५.७ बिलियन अमेरिकी डलर मेक्सिकोसँगको सीमा क्षेत्रमा बनाउने भनिएको सीमा पर्खालका लागि छुट्याउने अडानमा छन् ।

Donald J. Trump

@realDonaldTrump

Just left a meeting with Chuck and Nancy, a total waste of time. I asked what is going to happen in 30 days if I quickly open things up, are you going to approve Border Security which includes a Wall or Steel Barrier? Nancy said, NO. I said bye-bye, nothing else works!

142K people are talking about this
ट्रम्पले डेमोक्र्याटिक नेतासँगको वार्ता समयको बर्बादी मात्रै रहेको उल्लेख गरेका छन् । संघीय कार्यालयहरुको काम ठप्प हुँदा यो हप्ता ८ लाख जति संघीय कार्यालयका कर्मचारीले तलब पाएनन्।

डेमोक्र्याटिक पार्टीका शीर्ष नेतासँगको वार्ताबाट उठेपछि राष्ट्रपति ट्रम्पले ट्वीट गरेका छन् । न्यान्सी पेलोसीले सीमा क्षेत्रमा पर्खाल वा स्टिलको बार लगाउनका लागि आवश्यक बजेटको व्यवस्था गर्न अस्वीकार गरेपछि आफू बैठकबाट उठेको ट्रम्पले उल्लेख गरेका छन् ।

रिपब्लिकन र डेमोक्र्याटिक पार्टी दुवैले लम्बिँदै गएको सरकारी कामकाज ठप्पका लागि एकअर्कालाई दोष लगाइरहेका छन् ।

संघीय सरकारका कर्मचारीलाई तलब खुवाउन नसक्नु ट्रम्पका लागि समग्र नोक्सानी रहेको शीर्ष डेमोक्र्याट पेलोसीले बताएकी छन् ।

पेलोसीले सीमा पर्खालका लागि बजेट स्वीकृत नगर्ने बताएपछि ट्रम्पले आकश्मिक रुपमा वार्ता छोडेको शुमरले बताएका छन् ।

Leave a Reply

Your email address will not be published. Required fields are marked *